Интерфаол хизматлар

Мазкур хизматлардан кутубхонага қатнамасдан ва унинг иш вақтидан қатъий назар фойдаланиш мумкин.

Хизматлар рўйхати:

1. “Кутубхоначидан сўранг” виртуал маълумот хизмати

Унга мурожаат қилиб, Сиз:

маълум бир нашрнинг кутубхона фондида мавжудлиги ҳақида савол беришингиз,
унинг қайси бўлимда сақланишини билишингиз,
китоб ёки мақола ҳақида маълумотларни аниқлашингиз,
конкрет маълумотларни аниқлаштиришингиз мумкин.

Саволларингизга жавобни “Кутубхоначидан сўранг” виртуал маълумотнома хизмати бўлимидан, саволларнинг мураккаблигига қараб 1-3 кун ичида топасиз.

2. Онлайн маслаҳат

Сиз навбатчи библиографга маслаҳат учун жорий вақтда мурожаат қилишингиз мумкин.

3. Ҳужжатларни электрон етказиб бериш

Сизнинг хизматингизда - тўлиқ матнли ресурслар йиғма электрон каталоги (http://dilib.uz).
Сиз Ўзбекистон Республикаси ахборот-кутубхона марказлари (АКМ) фондидан босма нашрларнинг электрон нусхасига (15%) буюртма беришингиз мумкин.

4. Нашрни қайтариш муддатини узайтириш

Мазкур хизматдан фойдаланиб, кутубхона фойдаланувчилари кутубхонага келмасдан, абонемент секторидан уйга олган нашрни қайтариш муддатини узайтиришлари мумкин. Бунинг учун кутубхона веб-сайтида махсус шаклни тўлдириш ва жўнатиш керак. Хизмат бепул амалга оширилади.Нашрни қайтариш муддатини 15 кунга узайтириш мумкин, лекин 2 мартадан ортиқ эмас.

5. Фойдаланувчиларга онлайн-ахборот бериш

Мазкур хизмат АКМнинг доимий ва сайтда рўйхатдан ўтган фойдаланувчиларига янги келиб тушган нашрлар ҳақидаги маълумотни электрон шаклда юбориш имконини беради.