Navigatsiya
Kutubxonaning ish tartibi:
8:00 dan 18:00 gacha
Manzil:
O‘zbekiston, Farg‘ona sh., Ma’rifat ko‘chasi 31 A

Yangiliklar

« Ортга қайтиш

“Ўз ҳуқуқингни бил” мавзусида ҳуқуқий ахборот соати ўтказилди.  16.03.2016 15:18

СПИ2016 йил 15 март куни Аҳмад Фарғоний номидаги Ахборот-кутубхона маркази ҳуқуқий ахборот секторида  Халқаро истеъмолчилар ҳуқуқларини ҳимоя қилиш куни муносабати билан  Ўз ҳуқуқингни бил! мавзусида ҳуқуқий ахборот соати  ўтказилди. Тадбирда олий ўқув юртлари талабалари, коллеж ўқувчилари иштирок этди.

Сектор мудири Р. Максудова ёшларга Ўзбекистон Республикасининг 1996 йил 26 апрелда қабул қилинган “Истеъмолчиларнинг ҳуқуқларини ҳимоя қилиш тўғрисида”ги Қонуни истеъмолчиларни ҳимоя қилишда ҳуқуқий асос бўлиб хизмат қилаётганлиги, унда халқаро ҳамжамият томонидан эътироф этилган истеъмолчиларнинг ҳуқуқлари  ва уларни амалга ошириш кафолатлари мустаҳкамланганлиги, фуқароларнинг ҳаёти, саломатлиги ёки мулкига зиён етказилган тақдирда, уларни ҳимоя қилиш кафолатлари белгиланганлиги ҳакида гапириб берди.

Шунингдек, истеъмолчилар ҳуқуқлари ва манфаатларининг ҳимоя қилинишини таъминлаш учун жамоатчиликни кенг жалб этиш, аҳолининг ҳуқуқий ва истеъмол маданиятини оширишга доир ишларни фаоллаштириш мақсадида Ўзбекистон Республикаси Вазирлар Маҳкамаси томонидан “Истеъмолчилар ҳуқуқларини ҳимоя қилишда жамоатчилик иштирокини янада ошириш чора-тадбирлари тўғрисида”ги  2002 йил 28 ноябрдаги 414-сонли қарори қабул қилинганлиги ҳақида гапириб, истеъмолчи ҳуқуқлари бузилган ҳолатларда кимга ва қандай мурожаат қилиш тартиб-қоидалари ҳақида тушунча берди

Тадбир учун мавзуга оид кўргазма ташкил этилди.