Navigatsiya
Kutubxonaning ish tartibi:
8:00 dan 18:00 gacha
Manzil:
O‘zbekiston, Farg‘ona sh., Ma’rifat ko‘chasi 31 A

Yangiliklar

« Ортга қайтиш

Ўзбекистон Республикасининг “Давлат ҳокимияти ва бошқарув органлари фаолиятининг очиқлиги тўғрисида”ги Қонуни мазмун-моҳиятини ўрганиш бўйича маънавият соати ўтказилди.  30.06.2016 16:10

2016 йил 29 июнь куни вилоят ахборот-кутубхона маркази ходимлари учун Ўзбекистон Республикасининг “Давлат ҳокимияти ва бошқарув органлари фаолиятининг очиқлиги тўғрисида”ги Қонуни мазмун моҳиятини ўрганиш бўйича маънавият соати ўтказилди.

Президент И. Каримов томонидан имзоланиб, матбуотда эълон қилинган кундан (2014 йил 6 май) эътиборан кучга кирган “Давлат ҳокимияти ва бошқарув органлари фаолиятининг очиқлиги тўғрисида”ги Ўзбекистон Республикасининг Қонуни жамоатчиликнинг давлат органлари фаолиятидан максимал даражада хабардорлигини қонуний жиҳатдан таъминлашга қаратилган. Ушбу Қонуннинг мақсади давлат ҳокимияти ва бошқаруви органлари фаолиятининг очиқлиги соҳасидаги муносабатларни тартибга солишдан иборат.

АКМ директори Қонуннинг мазмун-моҳияти ҳақида тушунча берар экан, Қонуннинг барча 24 моддаси жамиятни глобал ахборотлаштириш шароитида фуқароларнинг қонуний манфаатларини ҳуқуқий жиҳатдан таъминлаш билан боғлиқлигини таъкидлади. Қонунда фуқароларга давлат органлари фаолияти тўғрисидаги ахборотни тақдим этиш масалалари қонуний жиҳатдан тартибга солиниб, ушбу органлар қабул қилаётган қарорлар ва аввало, фуқароларнинг ҳуқуқлари, эркинликлари ҳамда қонуний манфаатларига дахлдор қарорлар ҳақидаги ахборотдан аҳоли ҳамда жамоат бирлашмаларининг эркин фойдаланишини таъминлашга доир тартиб-таомиллар аниқ белгилаб қўйилган. Бу эса, ўз навбатида, давлат ҳокимияти ва бошқаруви органларининг қабул қилинаётган қарорлар сифати юзасидан масъулиятини оширади.