Savol: Ko‘p qavatli turar joyning birinchi qavatidagi ofis binosi korxonaga tegishli. Turar joy bo‘lmagan xonalar bo‘yicha yer solig‘i qanday hisoblanadi? Javob: Ko‘p qavatli turar joy binolaridagi turar joy bo‘lmagan xonalar uchun yuridik shaxslardan olinadigan yer solig‘i turar joy bo‘lmagan binolarning qavatlar soniga bo‘lingan maydonidan kelib chiqib hisoblanadi (9.12.2019 yildagi O‘RQ-589-son Qonunga 9-ilova izohining 7-b.). Ko‘p qavatli turar joydagi turar joy bo‘lmagan xonaning maydoni kadastr hujjatlarida ko‘rsatilgan.