Yangiliklar

Аҳмад Фарғоний номидаги вилоят ахборот-кутубхона марказида 2019 йил 18 июль куни “Кулолчилик – анъанавий мерос” номли расмли китоб кўргазмаси ташкил этилди.
Кўргазмада кулолчилик санъатига оид адабиётлар ва кулолчилик намуналари жой олди.
Ўзбек халқининг кўп асрлик тарихида халқ амалий санъати турлари бой ва ранг-баранг маданий меросимизнинг энг ажойиб ва оммавий қисмини ташкил этади. Ўзбек диёрида вужудга келиб, гуллаб яшнаган санъат турлари бетакрорлиги билан дунёга машҳурдир. Улардан бири кулолчилик санъати ҳисобланиб, бу ҳунарини эгаллаш кишидан қунт, сабр-тоқат ва синчковлик талаб этади. Ота-боболаримизнинг унут бўлиб кетаёзган сопол буюмларни қўлда ясаш анъаналарини қайта тиклаш ва ривожлантириш, оддий лойдан санъат асари яратиш борасида олиб борилаётган эзгу ишлар учун келгуси авлодлар миннатдор бўлади.
Мазкур кўргазмани ташкил этишдан мақсад, аҳоли ҳамда китобхон ёшларни миллий анъаналаримизнинг намуналаридан бири бўлган кулолчилик санъати билан яқиндан таништириш ва ушбу миллий амалий санъат турига уларда қизиқиш уйғотишдир.
Ушбу ташкил этилган кўргазма китобхонлар ўртасида катта қизиқиш уйғотмоқда.